Toshkent hayvonot bog‘i
Toshkent hayvonot bog‘i — oilaviy hordiq chiqarish uchun ajoyib joydir. Bu yerda daraxtlar soyasida sayr qilish va sayyoramizning turli burchaklarida yashovchi jonzotlar hayotini tomosha qilish mumkin.
Hayvonot bog‘i tarixi
Birinchi Toshkent hayvonot bog‘i 1924-yilda tashkil etilgan. O‘tmishda majmua boshqa joyda, zamonaviy Bobur nomidagi Ekopark hududida joylashgan edi. 1940-yillarning oxirida u yerda 200 ga yaqin turdagi hayvonlar saqlangan.
Zamonaviy hayvonot bog‘i uchun yer maydonini 1980-yillarda qidira boshlashgan. Yangi majmuaning ochilishi 1997-yil 1-sentyabrda, O‘zbekiston mustaqilligini nishonlash kunida bo‘lib o‘tdi.
Hozirgi kunda 21,5 gektar maydonda 300 dan ortiq turdagi hayvonlarni ko‘rish mumkin. Bu yerda ayiqlar, begemotlar, fillar, zebralar, sherlar va hatto jiraflar bor. Hayvonot bog‘i pavilyonlarida akvarium, terrarium, primatlar, qushlar, yirtqichlar va umurtqasizlar bo‘limlari joylashgan.
Hayvonot bog‘idagi sayrni yaqin atrofda joylashgan Toshkent botanika bog‘iga tashrif buyurish bilan birlashtirish qulay.
